> Zurück

Chärneschränzer onderwägs im Septämber

Grob Judith 07.11.2014

Wir gehen nicht nach Luzern oder Basel an die Fasenacht, auch in Chur und Zug wollen Sie uns nicht haben. Über den Röstigraben zu den Froschschenkel"fressern" können wir auch nicht. Und der Zug nach Mostindien ist zu voll...was bleibt da denn noch?

met dene agabe träffe sech am 13. septämber am morge am 9i öbe 12 chärneschränzer am bahnhof in olte. es esch "aune" glas klar gsi, dass es rechtig bern muess goh.

bimene glas wii starte mer de i dä tag. in bärn gohts nochemne apero wiiter ufe huusbärg, de gurte wartet. es het do tatzächlech es paar chärneschränzer gah, wo no nie ufem gurte send gsi.

z'mettagässe, e fahrt met em isebähnli ond e usgiebige spaziergang rond ome gurte, rondet de nomittag ab.

e haubstöndige fuessmarsch abe uf bärn ond de zrog i d'altstadt, gmüetlech eis trenke ond jetzt?

was mache mer äch no? z'metzt ide altstadt warte mer uf öber, worom ächt?

mer wärde vomene jonge maa abgolt ond ine chäuer met gnoh, dört wartet e adventure room uf üs. i 2 groppene versueche mer so schnäu wie möglech us dene rüüm weder use z'cho, ned ganz eifach, aber met veu gscheck ond au chli met bschiesse schafe mer das.

zom z'nacht göhmer de no is papa joe's, hamborger, fleisch, pommes ond bier fende do gärn abnähmer. Mhh.

s'posuneregeschter het üs en gmüetleche ond loschtige tag organisiert. danke.